Велигденските празници и Велигден е периодот кога хитот на Џина Папас Џокси, "На Велигден сум се заљубил", кој го знаат сите од најмало до најстаро, станува ултравртен и популарен. Песната трае веќе 24 години, пишува Вечер.
Џокси го потпишува текстот и музиката, а аранжманот е на Тоше Поп Симонов. Пејачот и автор вели дека му е мило што оваа песна трае толку долго и ќе трае и додава дека од толку што успеала да допре до сите, односно до публиката, повеќе не ја чувствува ниту како своја, туку како народна.
Кога ја објавив песната, како независен проект снимена во студиото на МТВ, уште во 1990 година (тогаш беше Југославија) песната не беше одобрена. Нормално, беше на преслушување и една од музичките уреднички ми рече: Толку ли не си способен да си фатиш женска, па го молиш Бога?? и секако, ја тргнаа настрана како песна која не е за емитување. Цела година чекаше и откако помина една година, а во меѓувреме Македонија стана независна и самостојна, ми се јави Јане Коџобашија и ми кажа дека дошло време да се пушти "На Велигден сум се заљубил", која за прв пат беше емитувана на топ-листата на Мице Јанкуловски, познат како диџеј Мице на Македонското радио.
И оттогаш песната трае и се врти, успеа да допре до публиката и покрај тоа што јас изгубив верба дека нешто ќе биде од неа, затоа што со неа конкурирав и на Макфест" и ми ја одбија затоа што имала многу фолклорни елементи. Малку апсурдно образложение, затоа што во конкурсот една од пропозициите беше песната да има етноелементи. И тоа малку ме демотивираше и бев скептик", вели Џокси,.
Tweet
Почетна