Рекордни 200 огна ќе пламнат во Аеродром за Бадник

Општините на големо се подготвуваат за бадниковите прослави. Оваа година околу 395 кубни метри дрва ќе бидат искористени за бадниковите огнови, а над 322 кубни метри ќе завршат во домовите за социјално загрозените семејства. Некои општини сметаат дека традицијата на бадниковите огнови треба да се продолжи, додека, пак, некои се на мислење дека овие дрва повеќе ќе им користат на социјалните случаи.

Но, Општината Аеродром и годинава е рекордер во бадниковите прослави. Таму ќе пламнат околу 200 огна в сабота навечер. Дента, пак, на платото пред ТЦ „Бисер“ во општината Аеродром, како и во трговскиот центар во населбата Лисиче, ќе се одржи кампања за заштита од пожари по повод палењето бадникови огнови, во организација на општинскиот противпожарен сојуз „Аеродром“.