Најубавата приказна за мајката - ангелот во нашиот живот

Во светот кажани се илјадници убави зборови за мајката. Напишани се бесконечно многу песни и четива кои зборуваат за нејзината љубов и посветеност. Но, има ли збор или пак реченица која може да ја долови големината на нејзината љубов и сјајот на нејзините очи.

Овој пат пред вас имате една прекрасна приказна за нејзината улога во нашиот живот. Внимателно прочитајте и не заборавајте утре да и подарите еден бакнеж на вашата мајка - во знак на благодарноста на сета пожртвуваност и љубов која ја дала за вас и вашиот живот.

Си беше едно дете кое се припремаше да излезе од утробата на мајката и да дојде на свет.

Еден ден детето го запраша господ:

• Господе ми рековте дека утре ќе ме испратите на светот, но јас сум толку ситен и немоќен, како ќе живеам таму?

Бог му одговори:

• Од сите ангели избрав еден само за тебе. Тие ќе те чекаат ќе те чуваат. Секој ден ќе пеат и ќе ти се смеат, така ќе ја осетиш нивната љубов и ќе бидеш среќен.

Детето на тоа запраша:

• Добро, а како ќе ги разберам кога нешто ќе ми зборуваат, а не го знам нивниот јазик?

Господ одговори:

• Ангелот ќе ти ги кажува најубавите и најслатките зборови кои ќе можеш да ги чуеш во светот и така внимателно и со љубов ќе те научи да зборуваш.

Детето, повторно загрижено праша:

• Слушнав дека на земјата има многу лоши луѓе, кој ќе ме штити од нив?

Господ многу сигурно одговори:

• Твојот ангел ќе те штити за било што, па макар и по цена на неговиот живот и ќе ти зборува за мене и ќе те научи за патишта кои водат до мене

Тогаш во рајот се прекина тишината  и гласовите од земјата допреа до него.

Детето сфати дека мора да оди и го постави последното прашање:

• Господе кога веќе морам да одам, кажи ми барем како се вика мојот ангел?

Господ на тоа со голема насмевка одговори:

• Не е важно како се вика, ти ќе го викаш МАМА.